പഞ്ഞിപ്പെണ്ണ്

ഇന്നു രാവിലെയാണു
ഞാനവളെ ആദ്യം കണ്ടത്.
കണ്ടപാടെ എനിക്കിഷ്ടമായി.
അവള്‍ക്കും ഇഷ്ടമായെന്നു
തോന്നുന്നു.
ഞാന്‍ നോക്കുമ്പോള്‍
എന്നെയും നോക്കും, ചിരിക്കും.
എന്റെ വഴിയില്‍ എന്റെകൂടെ
തണലായി, കുടയായി
അവളുണ്ടായിരുന്നു.
എന്തു പറ്റിയെന്നറിയില്ല,
വൈകിട്ടു പെട്ടെന്നവള്‍ പിണങ്ങി,
മുഖം കറുത്തു, കണ്ണുചുവന്നു,
പെട്ടെന്നൊരു തീപ്പൊരി,
പിണങ്ങിയ പെണ്ണിന്റെകണ്ണീര്‍പ്പോലെ
പൊഴിഞ്ഞുവന്നവളെന്നെ
പുതപ്പിച്ചു.
പിഞ്ഞിപ്പോയ പഞ്ഞിമേഘംപോലെ
ഞാന്‍ ബാക്കി.